Հաջորդ տարի ՌԴ գյուղատնտեսության նախարարությունը նախատեսում է ավելի քան 19.6 մլրդ ռուբլի սուբսիդիա հատկացնել գյուղական արտոնյալ հիփոթեքային ծրագրին աջակցելու համար։ Սա կբարելավի ավելի քան 9.5 հազար ընտանիքի կենսապայմանները և կպահպանի նախկինում տրված վարկերի ցածր տոկոսադրույքը։
Գյուղական հիփոթեքը, որը նախատեսում է տարեկան 0.1%-ից 3% տոկոսադրույք և մինչև 25 տարի վարկի ժամկետ, հանդիսանում է «Գյուղական տարածքների ինտեգրված զարգացում» պետական ծրագրի ամենահայտնի գործիքներից մեկը։ Դրա ներդրման մեկնարկից ի վեր՝ 2020 թվականին, լիազոր բանկերը տրամադրել են ավելի քան 106.6 հազար արտոնյալ վարկ՝ ընդհանուր 212 միլիարդ ռուբլու չափով: Այս մեխանիզմի միջոցով գյուղական բնակավայրերի և ագլոմերացիաների բնակիչները գնել և կառուցել են ավելի քան 5.8 մլն քառ. մետր նոր հարմարավետ բնակարան:
Միայն այս տարվա սկզբից տրամադրվել է ավելի քան 9.6 հազար վարկ՝ 24.9 միլիարդ ռուբլու չափով։ Ծրագրի իրականացման տարածաշրջաններից առաջատարներն են Բաշկորտոստանի, Ուդմուրտիայի, Թաթարստանի հանրապետությունները, ինչպես նաև Օրենբուրգի և Նիժնի Նովգորոդի շրջանները։