Վենեսուելայի և Իրանի միջև գյուղատնտեսական համաձայնագիրը նախատեսում է Թեհրանին մեկ միլիոն հեկտար հող մշակել Վենեսուելայի տարածքում, օգոստոսի 1-ին հաղորդել է Últimas Noticias-ը:
Հուլիսի վերջին Իրանի ներքին գործերի փոխնախարար Մոհսեն Քուշկի Թաբարը հայտարարել է, որ Վենեսուելայի և Իրանի միջև գյուղատնտեսական համաձայնագիրը նախատեսում է Թեհրանին մեկ միլիոն հեկտար հող մշակել։
Թաբարը նշել է, որ համաձայնագիրը, որը ձեռք է բերվել համաշխարհային պարենային ռազմավարական ճգնաժամի գագաթնակետին, ցույց է տալիս, որ «ուժեղ և մեծ Իրանը հասել է գիտելիքների փոխանակման այն մակարդակին, որին դիմում են այլ երկրներ»:
Նշվում է, որ համաձայնագիրը 20-ամյա համագործակցության ծրագրի մի մասն է, որը ստորագրվել է հունիսին Վենեսուելայի նախագահ Նիկոլաս Մադուրոյի Թեհրան կատարած այցի ժամանակ։ Ստորագրման արարողությանը մասնակցել են անձամբ Իրանի նախագահ Իբրահիմ Ռաիսին և Վենեսուելայի նախագահ Նիկոլաս Մադուրոն։
Ավելի վաղ հաղորդվել էր, որ Վենեսուելայի գիտության և տեխնոլոգիաների նախարար Գաբրիելա Խիմենեզը օգոստոսի 1-ին այցելել է Իրանի գյուղատնտեսական կենսատեխնոլոգիայի ինստիտուտ։